۔۲۰۱۸ میں قومی اسمبلی اور سینٹ سے “ٹرانس جینڈر قانون” کی منظوری دی گئی،اس قانون کی منظوری کےلیےپاکستان پیپلز پارٹی،پاکستان مسلم لیگ ن اور پاکستان تحریک انصاف نے متفقہ طور پر ووٹ دیا ۔ ایک ایسا قانون جوخلاف شریعت اور آئین پاکستان سے متصادم ہے  جومعاشرتی اقداراورمذہبی روایات کے سراسرخلاف ہے

جس سے خواجہ سرا افرادکے حقوق کی آڑ میں دراصل ہم جنس پرستی کوفروغ دینے کا راستہ کھولا جارہا ہے جو اسلام کے قانون وراثت کوتہہ وبالا کردے گا۔ جو ہمارے خاندانی نظام کے لیے ٹائم بم ہے

اس قانون کے مطابق میڈیکل بورڈ سے تصدیق کے بغیرکوئی مرد یا عورت شناختی کارڈ میں اپنی جنس تبدیل کرسکتے ہیں۔

اسلامی نظریاتی کونسل اس قانون کو خلاف اسلام قرار دے کر حکومت کو واضح ہدایات دے چکی ہے کہ اس قانون کا جائزہ لیا جائے اور اس کی اصلاح کی جائے اس قانون کو تینوں جماعتوں نے ناصرف پارلیمنٹ سے منظورکروایا بلکہ سر عام اس کا دفاع بھی کیا۔ کیا ان جماعتوں کے ارکان اس بات سے واقف نہیں تھے کہ یہ قانون پاکستان کی معاشرتی اقدار،اسلامی تعلیمات اور آئین پاکستان سے متصادم ہے؟ ہروقت ایک دوسرے کی مخالفت کرنے والی یہ جماعتیں اس غیراسلامی قانون کی منظوری کے لیے ایک کیوں ہوئیں؟ آخرکیوں۔۔۔۔۔۔